ಅಡಿಗಾಸ್ ವಿಜಯ

ಸುಮಾರು 2004-05 ರ ಕಾಲ. ಬೆಂಗಳೂರಿನ BHSS ಶಾಲೆಯಲ್ಲಿ ಹೈಸ್ಕೂಲ್ ಓದುತ್ತಿದ್ದ ಸಮಯ. ಶಾಲೆಯ ಪಕ್ಕದ ವಿಜಯ ಕಾಲೇಜಿನಲ್ಲಿ ಅಡಿಗಾಸ್ ಹೋಟೆಲ್ಲು ನೆಡೀತಿತ್ತು. ಹೊರಗೆ ಹೋಟೆಲ್ಲು, ಕಾಂಪೌಂಡ್ ಒಳಗೆ ಕ್ಯಾಂಟೀನ್. ಹೊರಗಿಗಿಂತ ಒಳಗೆ ಒಂದು ರೂಪಾಯಿ ಕಡಿಮೆ. ಅಡಿಗಾಸ್ ಅಂದ್ರೆ ಇಡ್ಲೀ ವಡೆ, ಇಡ್ಲೀ ವಡೆ ಅಂದ್ರೆ ಅಡಿಗಾಸ್. ಐದು ರುಪಾಯಿಗೆ 2 ಇಡ್ಲೀ, ಒಂದಕ್ಕೆ ಎರಡೂವರೆ ರೂಪಾಯಿ. ಆಹಾ ಎಂತ ಸಾಂಬಾರ್ ಅಂದ್ರೆ ನೆನೆಸಿಕೊಂಡ್ರೆ ಈಗಲೂ ಬಾಯಲ್ಲಿ ನೀರು ಬರತ್ತೆ. ಒಂದು ಇಡ್ಲೀಗೆ 3 ಬಾರಿ ಸಾಂಬಾರ್ ಹಾಕ್ಸಿಕೊಂಡು ತಿಂತಾ ಇದ್ವಿ. ದುಡ್ಡಿಲ್ಲ ಅಂತ ಅಲ್ಲ, ಸಾಂಬಾರ್ ಸೆಳೆತ. ಮದ್ಯಾಹ್ನ ಆದ್ರೆ ಸಾಕು ಜೋಬಲ್ಲಿ ದುಡ್ಡಿದೆಯಾ ನೋಡ್ಕೊಂಡು ಕ್ಯಾಂಟೀನ್ ಕಡೆ ಹೆಜ್ಜೆ ಹಾಕ್ತಿದ್ವಿ. ಇವತ್ತು ಸೌತಿಂಡೀಸ್ ಅಲ್ಲಿ ಇಡ್ಲೀ ತಿನ್ಬೆಕಾದ್ರೆ ನೆನಪಾಯ್ತು. ಕಾಲ ಎಷ್ಟು ಬದ್ಲಾಗಿದೆ ಅಂದ್ರೆ ಎರಡೂವರೆ ರೂಪಾಯಿ ಇಡ್ಲೀಗೆ 3 ಸಾರಿ ಸಾಂಬಾರ್ ಹಾಕ್ತಾ ಇದ್ರು, ಈಗ 10 ರೂಪಾಯಿ ಇಡ್ಲೀಗೆ ಒಂದು ಸೌಟು ಸಾಂಬಾರ್ ಹಾಕಕ್ಕೆ ಹಿಂದೆ ಮುಂದೆ ನೋಡ್ತಾರೆ. Those times will never come back!!